“Communicating hope and trust in our time.”

- Pope Francis

Padul-ong Photo Contest gindaogan hin usa nga college student


Photo by: Alren Beronio

BORONGAN CITY, September 7, 2018 – Nagdaog an usa nga first year college student han St. Mary’s College of Borongan nga hi Kent Keiser Cidro han On-the-Spot Photo Contest nga ginbuhat han Padul-ong Festival yana nga tuig.

An photo contest in abri para han mga amateur ngan professional photographers. Gin-apihan hin 30 nga mga photographers han Borongan Digital Photography Forum ngan iba pa nga mga lugar.

Kinarawat hin 20,000 pesos cash prize hi Kent Cidro, ika-duha naman hi Reginald James Lorico nga kumarawat hin 15,000 pesos cash prize, ngan ikatulo naman hi Artnil Bertos nga kumarawat gihapon hin 10,000 pesos cash prize.

Nakakarawat naman hin special awards hira Maureen Dominggo, Aljune Beronio, Aldrix Bertos, Allen Anire, JV De Leon, ngan Millord Bagaindoc.

An photo contest in ginhuraduhan nira Paul Quiambao usa nga National Level award winning photographer, ngan Edison John Lim nga usa ha mga sikat nga landscape instagrammer ha Pilipinas.

Ginbuhat an photo exhibit ngan awarding han ika 10 han Setyembre ha usa nga coffee shop ha Borongan.

Ini nga photo contest in gin-organisar han Go Borongann ngan Borongan Digital Photography Forum. (Alren Beronio/ EsteNews)

Winning Photos courtesy of Go Borongan FB Page:

Grand Prize – Kent Keiser G. Cidro
2nd Prize – Reginald James Lorico
3rd Prize – Artnil Bertos

Be the first to comment

Leave a Reply

Your email address will not be published.


*


Current day month ye@r *